Mi pakhat a awm a, amah chu khi tah, khi tah ‘Tlângpuite’ khua atanga lehkhazira awm a ni. A hming chu Vanlalruata Renthlei a ni a. Tin, ngai teh, ani chuan Mizote’n thukhirhkhan(riddle) kan neihte hi a hun lai nena thliar fela hrilhfiah vekin a lawrkhawm a. Chûng zinga tlêmte chu a chhânna nen chauh, a hrilhfiahna tellovin lo melh ve mai mai teh.)

1. A pui bû ùl ùl a, a no te kal vàng vang eng’e?
=Silai kah hi a ni.

2. Beng(ear) pakhat chauh nei eng’e?
=Hriau leh No.

3. Hming(name) ah eng hming nge sei ber?
=Kâwlvëta.

4. Mizo zinga chak ber tu nge?
=Saiâwia.

5. Lukawlh leh vanram inanna eng’e?
=Thenna reng a awm lo.

6. Vã ah hian eng vã nge thlâwk thei lo?
=Kuhva.

7. Dilah hian thing a inkhamkâi a, thing chu tuiin a chîm vek a. Mahse, thehlei hian huh miah lovin thingtulûang chu a zawh thei a. A chhan eng’e?
=Thingtulûang kha a kawrâwng(hole) a, chutah chuan thehlei kha a lût.

8. Bawng sawm an awm a, an til huh miah lovin lui an dâi kâi a. Luiah chuan an lu tih loh chu a pil vek si a. Eng’e a chhan?
=A pa an awm lo/ pakhat te tein an kân a, bawngpuiin a pa til kha a hmuamsak zel.

9. Feh ah hian eng feh nge hahdam ber?
=Fu feh.

10. Isua leh bekang inanna eng’e?
=Ni thum nî ah an tho ve ve.

11. Hmai hlái ber eng’e?
=Sana.

12. Chawhmeha zahmawh rawng kâi ber eng’e?
=Aidusentil.

13. Mahni êk chaw a ring leh eng’e?
=Changpat.

14. Chho ah eng chho nge phei ber?
=Dawhchho (tapchhak sira an dawhchhoh hi)

15. Mahni aia naupang, kan u ziah si eng’e?
=Utawk & Uleuh.

16. Chhukah eng chhuk nge phei ber?
=Khanchhuk.

17. A Aw B hmanga thuchângkim(sentence) siam:
a=A â a â a, a â hlum ta a.

b=Biate biakbûk bul bulbawr bula bawngpui bawk bû bùl bùl bula bawngte bawk bë bë bula behliang kha i hmu em?

d=Dara’n Dara darah dâr a dah a. Dara, engah nge Dara darah i dah?

e=kelte bengbeh éng beh bete pet melh melh.

t=Thil te tak te thên thûi thei tak tak te.

(duh tawk phawt ang.)

Heng Mizo thukhirhkhan(riddle) te hi lehkhabua chhuak ala awm lovin ka hria a. Lehkhabua chhuah atan ka ît hle. Lehkhabuah chhuah theih ni ta se la, kan hnam rohlu kan humhimna tha tak a ni ngei ang. Chhuahsak theite hi in awm mial lo maw le?

Genesis  2:18-23 kan chhiar chuan Pathianin mihring a mah chauha a awm tha a tih loh a vanga  a kawppui awm mi hmeichhia a siam thu leh chu hmeichhia chu mipa taksa a tanga lak chhuah ngei a nih a vanga, Adama`n hmeichhia a lo vuah tak thu kan hmu.

Mipa kawppui tura rannung dang a siam sa a tanga thlang lo a, a kawppui  awm mi hmeichhia a lo siam sak hi a va lawm awm em. He hmeichhia hian mipa taksa a tanga lak chhuah anih angin mipa nunah pawimawh na thuk tak a nei a, a tel lo chuan mipa hi a famkim lo a, a zahawm tur angin a awm thei lo ani.

 Inchhung khurah ngei pawh nu ber a hlim tawh chuan pa ber a hlim a, fate thlengin an hlim a, chhungkua a hlim thin ani. Nu ber zing kar a tanga a tih tauh ngat ngat tawh chuan inchhungkhurah lungngaihna  chhumpui a zing thin.

Mipa kawppui tura siam hmeichhia anih miau avangin mipa nun ah a hlu em em a, mipa chuan a ngaihsan zawnga awm a chak a, a thil duh tih pui tlin sak a chak thin. Mipa nunah an pawimawh em avang hian mipa, a duh zawng tak hmeichhia hmu tawh chuan thil dang zawng aiin a thlang thin.

Khawvela a hunlaia ram ropui ber, ram ni tlaseng lova rorel mai tur in a lal thutthleng aiin hmeichhia, a duh zawng tak nena dam chhung hun hman a thlan zawk te,  Lal fanu hmeltha Helen vanga Troy ho leh Spartan ho indona ropui te hian hmeichhe ropui zia an puang chhuak a.

Chu mai ni lovin mipa, miropui tak tak hmeichhia a vanga an tlak chhiat te, mi naran leh mihnuaihnung ve tak pawh a kawppui hmeichhia a vanga lo ding chhuak ta te chanchin tam tak te hian mipa tan hmeichhia an pawimawh zia a ti lang chiang hle ani.

Heti taka mipa tana pawimawh an nih avang hian khawtlang nunah leh ram in rel bawlna kawngah pawh dinhmun pawimawh tak an chelh ani. Kan mizo chanchin ah pawh han chhui ila, kan nula ten driver an ngaihsan lai chuan tlangval zawng zawngin driver a tan an chak a, motor khalh thiam nih an chak thin. Chumi hnuah kan nula ten sipai  an han ngaisang leh a, mizo tlangval tam tak sipai ah an lut ruih ruih mai anih kha.

Khaile zohnahthlak lanu te u, khuavang note ang maia duhawm, in seih zawnga mizo tlangval tuiralna in nihna kha hre rengin, Zoram in kal a siam lai hian dinhmun pawimawh tak in chelh a, Zoram in kawng dik a zawh leh zawh  loh in kut ah a awm e. Inngaihsan zawng leh in suk thlek na lam lam in mizo tlangval te hmakhua tur a hril a ni.

Engmah ti peih lo, mi thatchhia, chhungte thawh chhuah a inchei, chhungte chawmhlawm  hmanga in la lian satliah te, nu leh pa ten an ei ruk nasat a vanga bike leh lirthei hrang hrang te nena nuam tawl thin ho te in ngaihsan vaih chuan mizo tlangvalte hi piangsualah in chhuah ngei ang le.

Chutih hun chu Zoram tluk chhiat hun a ni anga, hnam anga zoram borual hun ani ngei ang le. Chuvangin zo lanu te u, mizo tlangval, mi tum ruh, mahni ngeia din chhuah tum, eng hna pawh pawh thawk se rinawm leh dik tak a thawk a hlawh tlin tum mi ngei mai hi thangchhuah puan sin tir ula, tawlhloh puan han hlan teh u, chutih hunah chuan mizo tlang val chuan fuih leh chuan a ngai tawh lo, nangmah a vang khan theihtawp chhuahin a nuam a hreawm ah pawh hlawh tlin tumin a bei mai ang.

Corruption kan vei a, do tur kan ti, a hluar tual tual. MLTP act hmangin zu kan khap, kan beidawng chu a ni ti tih tawh e. Zohnahthlak lanu han che ve teh u le. Pasal a tan chuan ‘kei chuan eiru ve ngai lo tur, eirukna in ro a relna chhungkua a mi ni lo, zu leh ruihtheih thil danga buai lo tur mi, mahni ke a din tum ngei, nupui fanau chawm zo ngei tur ka duh in tih tlat a, chutiang mi chu in ngaihsan tlat zawngin do buai do buai ngai lo hian kan tlangval te hi an fihlim anga, chutih hunah chuan eiruk hmang te pawh an zak tawh ang a, kan tlangval val ten thatchhiat an ngam hauh lo ang le.

A tawp berah chuan zohnahthlak lanu te u,Women empowerment tuipui hran pa ngai lo hian Pathian hian power mak tak, mipa te hneh theih riau na power a pek che u hi a tha zawngin han hmang ula, mizo tlangval rualte hi taima, mahni hnathawha rinawm leh dinchhuah tum mi, Pathian tihmi ah han chher chhuak teh u. Chutih hunah chuan Mizoram hi zahawm takin a ding chhuak dawn ani

Behind every successful man, there’s a woman

Ni 21 August 2011 zan khan, Female Surgical Ward (FSW) chu tui a tling nasa lutuka, zankhuain damlo awmpuitu ten chhuat kan nawt, tui a far nasa lutuk antih ka hre thawi a, engvakah chuan ka ngai lem lo. A tukah chuan FSW ngeiah hian kan fapa (naute) hospitala kan awmpui chu FSW-ah chuan remchan zawk vangin an sawn a, hemi zana he ward awm dan ka lo post ani e.
Picture hi a fiah lemlo, ka phone a lak ani a, vga camera mai ani.

Chhuatah hian tubelight a lang fur mai.
Image may be NSFW.
Clik here to view.

A far nasat zualna lai, heilo hi hmun 5 (nga) dan atangin a far.
Image may be NSFW.
Clik here to view.

A ngai angle dang hret. Rangva an hman hi a tlawm ber chi ani ngei ang. A nem a, a pan em em bawk.
Image may be NSFW.
Clik here to view.

Bucket kan dawh. A far hi lian tak ani.
Image may be NSFW.
Clik here to view.

Tui far khi kan hmu thei ang ka ring.
Image may be NSFW.
Clik here to view.

Bucket kan hman hi ward toilet a mite anni a, a chhe hlawm ang reng.
Image may be NSFW.
Clik here to view.

Nurse te leh damlo awmpuitu te thahnem ngai takin tui tling an buai pui. Hei hi midang lak.
Image may be NSFW.
Clik here to view.

Video tlem:

Click here to view the embedded video.

Midang lak:

Click here to view the embedded video.

Kan nurse te leh sister-te an fel kan ti tlang. Hman deuh hlek tawh a vin hler hlur ang kha an awm ta meuh lo. An thawhna hmun leh damlo enkawlna hmun erawh a hlui ve ta deuh ani.

Khatia grape zu tia Mizoram-a a rawn lar hlut vanglai khan kei chuan Zu pangngai ka in daih tawh a; Zu tak tak in ve ngamlo leh a khap dan kawng zawnga lo phisekte ang chuan grape wine kha ka phulpui ve lova, ka phurpui hlut lem hek lo.

Chumi kum Inthlanpui hma deuh, Suangpuilawn biala MLA candidate-ten drama an chan hma thla ruk velah khan Pu Lalhmingthanga MP (RS) hnungzuiin, Pu John Neihlaia MPS leh Dr. Biakzuala (BZa) te nen Suangpuilawn tlangdung te, Hnahlan lam thleng thleng tlawhin kan zin khawthawng a.

Chutih lai chu a kum ka sawi lovang; Suangpuilawn-a tihdam rawngbawlna vung taka Parmawia’n a kalpui zawh hlimchhawn, a par mawina chuai vel lai tak kha a ni e.

Keini zin ve kha nuam fu ni! Suangpuilawn-ah Ui min talh a, kan puar kher mai. Uisa kan ei vang ringawt hian min hmuh dan ilo nei hmanhmawh ang e.

Mai mai! Korean serial ka en ve ngai lo, mahse an rama uisa man to zia te, an hehzia te ka hr eve bawk. Mizoram tlawhin an thalai rual kohhran hmingin an rawn zin a; kan Veng kohhranin tukthuan ei-ah an lo sawm a. Hawihhawm chhuahin Upa-ten, “Eng sa nge ni ang ?” an va ti dek dek a. An zaipawl zai aia rual zawk mahin “Uisa!” an lo ti asin le!

Kohhran pawisain Uisa lei a ngai a; kohhran choka-ah an chhuang khu laih laih mai mawle. Ka nuphal Pastor pawh Korea ramah zirna sang zawk um-in a han furlough (fawr-lawk tia lam tur emaw ni!) a, Pathian thu bakah Uisa tui zia an han hmuchhuak tel.

Unaute u,heng thu hi in hriat loh ka duh loh avanga Grape Wine chungchang atanga peng duah ka nih hi. Uisa hi zahawm takin, inhaubuai leh rui lungpuam lo pawhin a ei theih tih ka sawi duh mai a ni zawk. Suangpuilawn-a kan Uisa ei pawh hi in rin angina kan rui love.

Chutichuan, khua a lo var a; Zawng-In khaw kalkawng sira nghalpui (khuai) bu chu VC Secretary hovin zanah an lo la diam chu niin! Tukthuan atan Uisa leh arpui tuilai chum leh khuai no chu min han chhawp ta tehreng aaaaaaaaa. Tun thleng pawh hian chawhmeh neih loh apiangin ka ngaihtuah let a, ka chaw lak a la that phah asin!

Khuaino chu kan lo duh tlang a ni ang, a bangnawi a awm lo. Nazareth khuaa Wine tihpun ang vel kha a ni; uisa leh arsa kha chu kan khawih ta mang hlawm awm lo e. An VC Secretary chuan fiamthuin, “In kalna tur kawnga awm a ni si a; zanah kan va la a, an lo kawlh phian a. A zang lian zawk hi a zang te zawkin min um tlan leh thin!” a ti. Dik hmel khawp mai.

Tin, ngaiteh, kan MP sap chuan “Hei doctor thiam hmingthang kan rawn hruai a; a duh apiang tan a thlawnin IB-ah hian a inentir theih ang” tiin a tlangautir pek a. Dr. BZ-a lah chuti tehchiamin lo inring hek lo, damlo lah chu an tam phian mai si a. Fiamthu titak deuh roh hian Dr. BZ-a chuan, “Suangpuilawn-ah te chuan tidamtu Parmawia in nei a ni lo’m ni, damlo in va tam si ve. Ani khan mar dekin natna a hre thei an ti a; chuti a nih chuan khawl engmah a awm si lova, ani’n in mar lo dek se, in natna sawi se, keiin damdawi chawh ila kan rang deuh ang a……” te a ti luam a.

Chuti leh bawk chuan, Vanbawng-ah ni tain ka hria, ruai an siam a. Keia phur pheng khan kan MP-te nupa rawn hauh lovin tlangval rual football pet chu team hnih-ah ka hui then a. MP team leh a nupui U Parte-I team ka vuah a; an inkhel a, Sangkhat ka thap a. MP-te chawi tur vek a ruahman ka nia.

Tin, ngaiteh, referee ka ni nghal bawk a; ka tlan kual peih loh avangin field a lian lemlo bawka a lai atangin ka ham mai a. Team hnih khan ham lai chu min ti ngawt ang. 2-1 in MP team an chak lova; vantlang interview laklawh lain Rs 1000 ka zuk dil a; hawi he haw chungin min lo p eve mai bawk a.

Thuhmahruai va sei ta ve aw! Wine chungchang changthlan ve lem si; mut a chhuak dawn tawh alawm i ti mai thei. Vawiin chawhnu na na na chu ofis lama ka awl ve lai a nia; inleng titipui tur lah an rawn dikdak hek lo. Ka phur chen chen ka ziak mai dawn a ni ringawt. Kan naupan laia kan perhpawng laih chanchinte kha zep tel tai la, internet-a post tur a ni tho a te ka tih rilruk nak alaiin…..

Tak tak a; Wine chu i han bei chawt tawh mai ang aw. Tawi tek tawkin aw ni ang. Chutichuan, Hnahlan chu kan lut ta a; grape chingtu association-ten min lo dawngsawng a; an grape huante pawh kan fang a. Grape rah chu a lo hmin dumpawl bawr tup tup mai a; ka han vam pap a, a thlum lutuk lem lo. Rai-no tana ha-tim lova puar khawpa ei theih tawk vel a nit a awm e.

Tin, a rah ei tum ka nil ova, a ZET U ZU lai kha ka belhchian duh chu a ni zawk a. Thelret tuizem lian (Sintex) hian an um a; a nei ve phak lo chuan zem chi dang an hmang bawk a. Grape chingtute intelkhawm president in-ah chuan kan thumuang a. “Keini chuan zing thingpui pawh kan inlum ngai tawh mang lo va; hei grape tui hi in ve mai ta che u” tiin rialno hian min rawn sem den den a. Hmana Sap rama ka kal theih tak loh avanga Sap film ka ena an wine in ang khan ka thiante chuan an in a. Kei erawhin wine no khat tih mai mai te chu ka duh khawp teuh lo mai.

“Khawi maw, in tit a sa sa, bucket khan min han chhawp teh u. Aizawl velah khuan parawn awm fu fu hi Hnahlan grape wine a ruih theih tih leh a ruih theih loh tih vel mai mai-ah an inhnial a nia. Ka thlen thlak ve leh chanchinbuah ziah ka duh” ka ti lung lung a. Chutichuan, YMA no nga lai ka in a; zing kaw ruah lai a ni bawk a, ngaihbel pah deuh chung chuang hai chhawlha inhriatna chu ka nei. Chu zawng ai chuan, ka pum a thip a, ka puar hle bawk. Hei hi, keimaha a thawh dan a nia. Rui khawp chuan ka in peih hauh lo tihna a nih chu.

A tawi zawng zelin aw ni taw hang. Aizawl ka thleng a; Mizoram grape wine chungchanga ka thil hmuh, an um dan, an sawngbawl dan leh a kaihhnawihte Vanglaini-ah ka ziak chiam a. Engkim mai hi rui duh tan chuan a ruih theih a; Pathian thu te, politics te, pawisa te, nula te, grape wine te pawh tih ang velin ka tlip tain ka hria. Tin, khap bur rama awm kan nih avangin grape chingtute thlavang kha ka hauh pah duh hrim hrim a.

A tirah chuan an hank hap bur hmanhmawh pek reng kha. Chutiang boruak karah chuan mipui kaihhruai tumna kawng nger sa nei ranin ka ziak a ni. Kan thianpa Lalmuanpuia Punte pek hian Vanglaini vekah min rawn tawng a. “Thianpa Tm-a ruihna khawp hi chu eng Zu pawh ni se, nau bualna khawp hi a ni hrim hrim. Chuvangin grape wine hi Zu a ni” a rawn ti phiar phiar a. Miten Zu heh mi-ah min hmuh phah mah se pawi a ti lo tihna a ni. Zak theilo roh hian.

Amah hian a heh fe zawk – Zu chu; mai mai a. Thu mu hnu mah ni se, ka thinrim thar leh deuh tlat mai ka ti. Tun thleng hian Zu hi ka khilai duh tawh lo. Hman ni-ah pawh Delhi-ah ka awm tih a hria a; inchhung bungrua leh finna lam hawi lehkhabu min chah miah lo. Pu Denga’n thil a tih ang kha min chah a; kei hian chu ‘thil’ chu pianthar vang ni miah lova ka lo bansan lailawk lai (cease-fire lai!) a nih si avangin eng thil mah ka hawn lo. Internet a khawih thiam lo bawka a lo chhiar ve em lovang chu maw!!!!

Awle, tunah chuan hma kan sawn hret. Mizoram grape wine pawh duat taka hming vuahin Zawlaidi kan lo ti ve ta a; sawrkar pawhin ualau taka zawrh phalsakin, chhiahte a hmuh phah ve ta a. A chingtute pawhin Bank atanga loan la-in, tunhma aia thianghlim leh itawm zawkin an chhawpchhuak a; sum hnar ber atan an hmang ta a nih hi.

Tunah a tlangkawmnan, thu-takah ka hruailut tawh ang che u. Nikum leh kum hmasa lamah khan grape wine hi thil thar a ni bawk nen, Zu tak tak kan lo khap bawk nen, mitin khan in chhin leh in tehah khan an neih a. Hralh pawh a kal chur chur hle a ni. Reiek tlanga Anthurium Festival-ah phei kha chuan, anthurium ni lovin grape wine festival ni zawk awma mawiin hralh a kal a. Festive mood-a min awmtirtu a ni a, tangkai tak a ni. Anthurium zawk kha chu kan chu-kha peih vak lo niin a lang.

Chuti taka kum hmasa lama hralh a kal avang chuan Mizoram-a grape chingtute pawhin a aia taima leh uarin Zawlaidi chu sum hnara chantir tumin kuminah tan an han la leh a. Ngaiteh, kum hmasa aiin a rate a hniam a ni awm e; a chingtute leh Zawlaidi siamtute chuan lungawiloh lantir nan hralh chhuah loh an tum tih thawm ka lo hria a.

A rate siamtu ka nil ova, a chingtu ka nih bawk loh avangin an thubuai hi chu kei hian chai ka tum hauh lo. Tin, wine te chu thlai dang ang a nil ova, a inup rei poh leh a tuiin, a to ting mai dawn ni turah ka ngai a; a chingtute tan chiat duaina turah ka lo ngailo pek a. Leiba rulh pung tur chu thu dang daih ni se.

A pawimawh ta ber chu hei hi a ni. Tunlai khawvelah mitin hi thil siamchhuaktu Company hming emaw, an sumdawnna hming BRAND melh vek kan ni tawh a. Entirnan: mobile handset, TV, Fridge, Car, Bike, computer, theitui chu sawi loh tui in-tur (mineral water) etc. thlengin consumer-te min hiptu chu a BRAND a ni.

Zu/Wine ah phei chuan a ni lehzual. Chuvang chuan, ZAWLAIDI hi kan siam chhuak tam zel dawn a nih chuan Mizoram-ah market a hnawng thuai ang. Tuna pang hian grape wine hi kum hnih kal ta ang khan Mizoten kan rui tawh lo niin a lang. Kohhran hian kan Lalpa isua thisen anpuiah an pawm mai hmel loh lehnghal a.

Chuti a nih chuan, grape chingtute leh Zawlaidi siamtute hian Mizoram pawn lamah a hralhna tur an zawn a ngai. Mizoram pawna hralh tur chuan ZAWLAIDI hming (Brand name) hi hnam dangin an hriat hmel loh. An hriat loh chuan an lei lo tawp ang le; tem chhin ve duh hrim hrim lo chuan.

Ei leh in chungthu-ah ngat phei chuan mi an duhtui lehzual tawh a ni. Chuvang chuan, grape hi kan unaute hian an thar belh zel dawn a nih chuan khawvel huap pawha wine lama hmingtha sa Company-te nena inremsiamna thuthlung siam vat a finthlak ang. Chutichuan, Zawlaidi tho hi hming dang – Del Monte etc. emaw hmingin an hralh chur chur tawh mai ang. Grape huan siam, chin, enkawl, lawh, sawngbawl leh a hralh thlenga vaihma reng theih rual a ni dawn lo tih hi ka hmu reng a ni.

BRAND avang bawk hian alawm MIFCO te pawhin Saptheitui te, Lakhuihtheitui te an hralh theih loh a, an pachhiat zawh tak ni. Tunah hian Mizoram sawrkarin Company engemaw nen inthlunzawmtir an tum a ni awm a; a la fuh ngawt ang.

Khaimah aw…… Kum 2002 khan Pragati Maidan, New Delhi-ah khuan India International Trade Fair-ah Mizoram Pavillion-a Public Relations Officer –ah thla khat zet zawt ka tang a. MIFCO lamin an theitui siam an zuar a; Soil &Water Conservation Dept. lamin an coffee thar an zuar ve bawk a. Kan hralh thei lo, a tirah chuan. “Kha kha eng nge? Eng company siam nge ? MIFCO chu eng nge? Engnge in pawlh ? Mizoram chu kaha hai ?” Aaaaa. Chhan tur leh hrilhfiah tur a tam lutuk. Tih dan thar ka duang a. Korean ho water-filter hi kan lei a; Saptheitui chu kan chhung a.

No paih mai theih ang chi te ber hi kan chhawp teuh a, a thlawnin kan tem chhintir ta zel a. An hmuh laiin kan han in ve zauh zel bawk a. Chumi hnu chuan kan hralh thei ta khawp mai, kan hralh zo ta hialin ka hria. Baibing tin te, rawtuai tin te erawh zahtheihloh chhuaha inhnawn chawt chawt a ngai fo, a ei ve ngailo hnenah chuan. Chutiang bawkin, Coffee pawh chu mawle.

Ka thiam tawkin kan fak tak tak a; Nescafe siam anga chawplehchilha in nghal mai theih (instant coffee) a nih lohzia te, chum so reia a tuina (flavour) lo chhuak a nih thu te kan inhrilh hrep zel a; kan hralh thei leh ta fu bawk. South Indian ho erawh chuan an in than dan a ni bawk a, i-he lovin an rawn lei chat chat mai.

Ka fak ar-ek leh lutuk nge ni, tlai lamah hi chuan tawng tawlhpanal hi a lo thleng tawh thin bawk nen; tum khat chu NESCAFE a an Manager a lokal a; min rawn chhuahchhal a. “Engah nge Nescafe aia tha i tih ? Eng company nge in nih ? In zak lo’m ni?” te min rawn ti tain ka hria. Kei erawh zawngin pa zaidam tih takah, kut zungchal chauh lek kawhin ka fak dan ka han sermon khum a; an coffee leh kan coffee danglamna ka hrilhfiah dan te nen. An pavilion lamah a haw ta a nih kha.

Chu daih kha asin. Mizoram Grape Growers’ Association-te pawh hi thiltithei chuan kawng zawnpui teh u. Chuti lo zawng an thawhrimna hian nakinah beidawnna a siamsak ang tih ka hlau hlel love. Kum tela an thar tam chuan BRAND lar leh rintlak, tumahin tiltipna leh iaina nei miah lova an khiat pap pap ngamna tur thurualpui an mamawh a ni e.

Pepsi, Coca-Cola, Frooti, Bisleri i in dawna i ngaih a tha zan ang chiaha India ram leh khawvel ram zau zawk a kan grape wine te, kan saptheitui te, kan sertui te miten an in ve theihna tur chuan Company lar leh rintlak ni sa hming (Brand) hawh hi I hreh hauh lovang u. Saphun azawngah chuan hnam danga Saphunna hlawk tak, ram leh hnamin a dinchhuahpui theih tur chi a ni ka ti.

Ka peih tawh lo. Mangtha vek ule. Mi zawng zawng ofis an bang vek tawh. In lamah eirawngbawl leh insuk tur ka nei.

Hman ni chu CYMA office ah ka kal a. Min va barakhaih teh reng em!!! Ka pawl ngaihsan leh zawm awmchhun chu mi tlemte, hnathawh dang nei lo, zirsang lo, hawihhawmna nei lo, awmdan mawi hre lo, chapo, thuneihna zawng zawng inpe chawp ho hi an lo tam mai zu nia.

He pawl hming hi nasa takin an ti chhia a. Phalna leh thuna nei lovin mahni lalna inpechawpin an duh duh an man a, an nghaisa a, an diriam a. Mahni mihringpui an sawisak dan leh an nunrawn zia ka hmuh khan ka rilru hi an ti na hle a, ka thin an ti rim bawk.

Hruaitu thlan tlin, mifing, zirsang, hawizau an awm reng thei lo anih chuan office khar vat chi ani. Mifel pangngai hnuaia an awm loh chuan sawng mi nunrawng ho leh midang zahpahna nei lo, engpawh thinrima la nghal duh mihring hnuaihnung ho sawn YMA hming an tichhia ani.

An hmel en reng reng pawn engmah ni bik lo tih chiang tak tak te sawn Taliban style in an sapatal a. A va pawi tak em. Thu neihna inpechawpin lainatna leh tanpui duhna tel miah lova an khawsak saw thil tenawm leh huatthlala tak ani.
Mi thenkhat saw chuan chhinchhiah an tawk ngei tawhin ka ring. A pawi ani.

YMA hminga an duh an maka mahni mihringpui chunga sawisak leh diriam taka an che saw RAPTHLAK TAK ANI. An mi man (mantu ni turin tuman thuneihna an pe lova, a pawr ho saw an mante aia felna nei bik lo) ho an biangbiak dan leh an duh ang an sawi ve pawh huata la zel duh ho sawn YMA hming an tichhia ani e.

Thawnthu pakhat kan sawi ve ang e.

Hmanlai hian tlangval pakhat tual leng lai chu Police ten an rawn man a. Engmah pawh a sawi hmain Police Station ah an hruai a, an pawng paw vuak hrep mai a. Enge a chhan leh vang pawh sawi a ni lo. Tichuan lock-up chhungah zankhuain an tan tir a. Ei leh in tur an pe bawk lova.

A tukah chuan an hotu pakhat chuan a kova.

Hotua: Kan man chhan che i hria em?

Tanga: Hre lo.

Hotua: Kan man chhan ber che chu nangmah vang liau liau a ni. Hrem tlak leh tihhlum tlak i ni.

Tanga: Enge ka tihsual chu?

Hotua: I tih sual ka sawi lo.

Tanga: Mahse hremna ka chungah in lek si a.

Hotua: Nang chauh hi kan hrem dawn lova, i fate leh i tute thlengin kan hrem dawn che u a ni.

Tanga: Engvangin?

Hotua: Kan duh vang ni lovin nangma duh vang zawkin a ni. Duhthlanna i nei a, i rin ang leh duh ang chuan i chungah kan ti dawn a ni.

Tanga: Duhthlanna ka neih ka hre lova, min hrem pawh ka ring ngai lo.

Hotua: Hmana Bible kenga biak ina i thusawi thin kha i hria em?

Tanga: Eng ber nge i tih? Thute chu tam tak ka sawi si a.

Hotua: I sawi tam mah mah a ni. Eng rilru nge maw i put thin ni. Naute u, he misual hi jail-ah khung u la, a fate ho pawh va man vek rawh u.

Tanga : Ngawi teh…enge a awmzia? Hetia min tih chhan hi enge?

Hotua : I la hria ang chu. Khaihlum vek tur in ni e.

Police pakhat : Kan man chhan che chu kum 60 kalta khan i pu pu leh khan phal loh tih hre reng chungin mi huana thei a lo eiru a. Nang pawn nasa takin thlahtute sualna chu chhuan zawng zawngte chunga hremna lek kawh dik i tih thu leh i pawm thu i sawi thin a. Sawisel thei i ni hlei nem. I thiam lohna ber chu Bible i rin kha a ni. I thupui ber leh au hla ber chu i chungah a rawn tla ta anih hi. Kan hotute rorelna hi dem thei i ni lo tih hria ang che. Midang chunga tla chu i chungah pawh a tla ve thei tih i hre tawh ngei ang chu.

Tanga : Aw Lalpa, he dinhmun atang hian min hruai chhuak rawh….

Pathian : I dil a, mahse i dil dik lo tlat. Sawi tur leh tih tur ka nei lo. Kut ka sil. Ka ngawi reng tawh dawn.

Tears are hard to stop; even more difficult to watch them stream down her cherry red cheeks. Love is a funny thing; you don’t choose it – rather, it imposes itself upon you. The human heart is designed to circulate life-giving blood throughout our fragile bodies; it cannot cushion so many emotions. Tears are hard to stop, as I helplessly watch them pour down her cheeks again…

God does not make mistakes. It only takes time for His creations to accept His blueprint for our lives. I believe God was perfectly satisfied when He decided that I should be a Mizo. I was born into a middle-class Mizo family in Aizawl, and was brought up with typical Mizo values and mindset. I love my people and my land, and I have no qualms in proclaiming that we are His chosen people.

Her hands are still warm, but I’m not sure if her heart still is. The last teardrop is slowly running down those soft cheeks, as I watch with mixed emotions. I never intended to fall in love, but apparently Cupid thought otherwise. I’ve seen a woman’s tears before, and am fully aware how false and poisonous it can be. But it’s different this time, and a silent war rages on inside.

She never really liked my people, let alone my land. I’d go on and on about Mizoram, and she would fake interest just out of courtesy. I saw it all in her big, beautiful eyes. But I don’t blame her, ‘cause I had also done the same thing – listened to her culture and her ways, never once betraying my utter indifference. God does not make mistakes. But surely He’ll forgive me, for I’ve used up all the love that I have for my nation – the Mizo nation. It might sound harsh, but there just isn’t any more space for an alien nation.

The last teardrop dries, as she holds me tighter. And ever so gently she says, “But I love you,” and the raging war inside intensifies. My heart wants to console her, and tell her that nothing will ever tear us apart as long as God gives us breath! But my head does not concur, and there’s a good reason why the brain is placed above the heart. A prickling conscience is not necessarily bad, but it can be annoying sometimes – especially if it tells you to let go of someone you’ve grown to love deeply.

As is common for a Mizo child, I grew up disliking non-Mizos in general, and mainland Indians in particular. I had my reasons too, such as the fact that the Indian Government used its air force against us – her own citizens. Horrible tales of Khawkhawm, and numerous other atrocities including brutal rapes committed by the Indian Army, enraged me no less than any other true-blood Mizo. Inevitably, my patriotism was for Mizoram, and not India. As the comment goes, “I am a Mizo first, and an Indian second.” It suffices to say that I was brought up in the safe ambience of a regional nationalism flaunting Mizo chauvinism.

I feel her long, dark hair against my face. Her eyes meet mine, and they’re still as big and beautiful as ever. Here I am, still holding her hand, as she awaits my response. Love is a funny thing, and frankly I never really understood it. I began our relationship with the blind optimism that I’d slowly pull her into my society. It is only now that I’ve realized there is something called “reality” above and beyond our dreams, hopes, and even love.

God has been kind enough to provide me with a few platforms from where I have preached to a number of people about Mizo ideals, norms and tradition. I’ve always harboured plans to revive Mizo nationalism, and give it a new lease of life. I have time and again preached about the possibility and dangers of assimilation. As such, it naturally follows that I was amongst the most vocal against inter-marriage with non-Mizos, and strongly felt that this was a betrayal upon the Mizo nation. I could talk the talk, but it was now to be seen if I could walk the talk. Any other way and I would be branded a “hypocrite”.

Tears are hard to stop; as they slowly run down my cheeks, a mixed sense of grief and relief engulfs me. I let go of her hand slowly, but surely. I get lost in her eyes for one last time; those big, beautiful eyes. “I love you too, but I love my people more.”

She has to go.

(Kan hnam deuhsawhna emaw, kan fellohna emaw tarlan ka tum ber a ni lova, hma kan sawn zel zawk theih nana ka ziah ve theih tawk tlemte ka’n tarlang ve mai a ni.. Image may be NSFW.
Clik here to view. )

Eng a ni?
Vaiho sualzia leh mawl si zia hi; Mizoram awmna pawh an hre lo. A tawng thei tawh apiangin, “Nepali in ni em?” tiin min zawt chamchi a. Tlema hre zau deuhin, “Chinese nge Japanese in nih?” min ti thul. Kan ngaihsan em em Korean kan an thu erawh an sawi lang duh ngai miah si lo (lol). Hmar chhak chanchin hre ve deuhin,“Manipuri I ni ti raw?” min la ti khanglang bawk.

India ram khawpuiah kan nulate an pawngsual fo va; khawiah emaw chhuak ila, “Chinky” tiin min au el tawk lah bo lo. Sawi tur a va tam em! Heng zawng zawng hi em ni tunlaia kan sawi lar em em REISISS an tih chu?

Babel In sang
Kan Pathian hian hnam hrang hrangte’n tawng bil kan neih nan Babel in sang sak mup mup chu a tihchim tak avangin; India rama cheng niin, India khua leh tui ni mah ila, kan hmel leh kan tawng erawh a danglam nasa mai si. Keini lahin hnam tawng (Hindi) zir tum hek lo, a tam zawk phei chuan kan la ngainep em em zui leh nghal. Chu achhapah kan thlahtute atanga danglam ta chu, English kan han hman te lah changkang tia kan lam nalh poh leh kan Indian-puite hian an hrethiam lo telh telh zawk si!

Chinky tia koh kan hua maw? Vai-chhia titute kan ni em kha?
Khawchhak lam unaute chu ‘Nghapih’ tiin rukruk ching leh damdawi tha lo zuar hrat em em vekah ngaiin, mi tam zawk chuan kan ngainep em em a. Kan hmarchhakpui Manipuri-te lah ‘Chalrang’ tiin an chawhmeh ui leh rimchhiatzia sawiin, zirna leh infiamnaa kan tluk miah loh chung pawn kan ngaisang em em miah lo te hi a mak phian! Kannadiga, Punjabi, Tamilian, Bengali, ladt., an nih leh nih loh pawh hre hrang bik lova ‘Vai’ tia hmusit taka kan koh thin te; duhthawh fal thenkhat phei chuan ‘Vai chhia’, ‘Vai ngal ria’ tiin kan phak tawkah kan diriam fo a ni lawm ni?

Kan ram thirchhia leh hluihlawn thil hman tangkai ngaihna kan hriat loh kha vaiin taima takin an khawnkhawm a. Vai thirchhe zawng leh cooker chhe siam thiam phei chu kan ngaihsan lohzia leh van sanzia chu hretu vek kan ni e. Thirchhe zawng tam zawk phei chu zu rui phur deuh chuan hmu zuamin pawisa dil bakah, lo vel duh tawk pawh tun thlengin kan hmuin kan hre chamchi a nih hi!

Kan danglam alawm
Nia, sawi belh hran a ngailo. Kan pianzia, kan hmel, vun rawng, incheina, ei leh in duh zawng, sakhua leh leh kan ngaihdan engkim a danglam vek. Mahse, India rama chengin India sawrkar chawm hlawmin kan la khawsa rih tlat si a. Engtikawng mahin (tuna kan ram dinhmunah rih chuan) Mizoram hian India sorkar ngheng lo hian ram kal kan siam a rinawm rih bawk si lo.

Chuvangin zirna in sang leh tha bawhin kan chenna ram atangin India khawpui hrang hrangah kan cheng vel a, hna kan thawh a ngai ta a nih hi. India ramah hnamdang zingah, an khuaa kan chen a bang mai dawn lo.

India khawpui lailiaah…
Ngaihtuahna dang pu miah lovin India ram khawpui khawi berah emaw bazaar lun laiah dingin han hawi vang vang la. Hmarchhak nula tlangval I hmuh khan eng ang mi nge I hmuh le?

I hmuh dan tam zawk tur chu – sam rawng pangngai pu lo, phir kual tlu-awn-ding seng sung mai, vun eng pik piak, mawngfual leh thuamhnaw mawi ang reng mak danglam deuh deuh, tawngchham tak tak inbel I hmuin ka ring. Hmarchhak mite hetiang vek an ni ka ti lova, a tam zawk erawh kan ni tlat. Khawtual mite inchei uchuak an lo awm ve a nih paw’n anni anga inchei tur kan ni em ni? An khua a ni asin. Keini zawng an aia uchuakin kan la inchei ta lehnghal!

Hmarchhak mi tam zawk hi chu kan veng leh khuaa kan inbel ngam miah loh leh kan lan chhuah ngam reng reng lohin kan inchei fo thin. India ram khawpui, mi tam zawk, Hindu sakhaw zui; inlafekfawn leh rilru zim em em mit atan zawng nangin I hmuh aia a let tam khan hmarchhak mite an hmuh dan chu a danglam dawn tih hre reng ang che.

Mizoram an hre lo!
Nia, vai tam zawkin Mizoram an hre lo, mawl tak an ni I ti ngawt dawn em ni? I ti dik chiah, mahni ram chanchin pawh hre lo lehkha zir sang tak tak an tam mai.

Mahse, India ram pum huapa chanchin chhinchhiahtlak leh zirtlak Mizote hian kan pipute atangin kan hnutchhiah tawh em le? Ram pum huapa mi chhuanawm leh hmingtha engzat nge awm tawh? Kan hnam a naupang, sawi thui a ngailo; mahse kan thenawm Manipur erawh hre lo an awm mang miah lo thung asin. Mizoram an hriat theihna tur chuan kan zirna leh kan hnathawhnaah mawhphurhna sang tak kan nei a ni tih I hre reng ang u.

In luah tur hmuh a har!
Leh ta zel chuan. India ram khawpui thenkhatah hmarchhak mite tan in luah tur hmuh a har hle. Mi fel tam zawk kan awm, mahse mi sual tlemte avangin kan hmel a chhe fo. Hmarchhak mite min sawi dan hi kan hre vek. Mi in luaha awm dan tawk kan hre lo, thian kan khawi dul dul a; a tlangpuii kan bengchheng viau bawk thin. Thalai tam zawk lah zu in thiam lo, thenawmte zahpah leh ngaihthiam nachang hre miah lo an awm bawk.

Mahni ringawt inngaihtuah thei kan ni lo. Khawvel a awm chhung chuan kan naute leh zel pawn zirna leh hna avangin India ram khawpui an rawn pan zel dawn. Tuna I in luah leh I hnathawha I awmdan mawi avang khan I nau te tan kawng sialtu I ni tih inhre reng ang che.

Ka tawnhriat
Kum thum chuang hret a ni ve ta reng mai, ka hna avangin scooty/bike khalhin ka chenna khawpuiah hian ka kual ve ta a. Office kala, thuamhnaw pangngai tak inbela lirthei ka khalh hian vawi khat chiah traffic police-in min man a. Chu pawh kawng kual lutuk tlan ngai, a diklo zawng mi an tlan thin avanga ka tlan ve tuma min man a ni a. Office chawlh changa thuamhnaw pangngai lutuk lo, kekawrbul emaw haa ka inkhalh chhuah erawhin vawi thum vawi li lai traffic police hian min tiding tawh thung.

Ka tawnhriat hi a dik ber e ka ti hauh lo, mahse hei erawh ka sawi thei. Pangngai taka ka inthuam leh pangngai vak lova inthuama bike ka khalha danglamna ka hmuh hi.

Hei vang hian engtik laia pawha smart tak maia inthuam ap reng tur ka tihna a ni chuang lo. Mahse, mi te hmuha thuamhnaw hmuh nuam leh zahawm (dissent dress) erawh a awm a. Uchuak leh over lutuka inchei kher hi a tul lo. Ka incheina a nia, ka thu thu ti vei thin mah ila, mi rama cheng, tual mite aia danglam leh an mit fukna kan ni tih hre reng chunga fimkhur leh zahawma inchei a tulzia ka sawi duh vang mai a ni.

Kristian Nunmawi
Khawvel a awm chhung chuan, Mizoram hi India ram chhungah a awm zel hmel si a. India rama thlamuang taka chenga, kan danglamna avanga Pathian malsawmna kan dawn tam takte hria a, Isua Krista ringlotu maktaduai tam tak zingah hian Kristian nunmawi nunpui zel ila. Mizo-Kristian nun, inngaihtlawm leh thuhnuairawlh taka kan zirna leh hna te zira thawkin; kan ram leh kan hnam tan kan awmna hmun theuhah kan danglamna te hi malsawmna min petu atan I hmang zawk zel ang u hmiang.

Image may be NSFW.
Clik here to view.

Misual sim lo chuan chatuan ram a luah thei lovang. Sual rêng rêng chuan chatuan ramah hmun a nei dâwn bawk hek lo. Chuvangin misual Chhandamtu Isua Krista chuan sim duh apiangte chu lãwm takin A tanpui thîn. A thisen chu misual tân a far sî a.

Engtin nge mihring chu Pathian laka a fel theih ang? Engtin nge misual chu tihfela a awm theih ang? Krista zarah chauh hian Pathian leh thianghlimna nen inremin kan awm thei a; mahse Krista hnênah chuan engtin nge kan kal ang? Pentekos nî a mipuiin an sualte an lo hriatchhuah a, “Enge kan tih tâk ang?” tia an zâwt ang bawk kha tunlaite hian an la zâwt zêl a ni. Petera chhanna hmasaber chu, “Sim rawh u,”1 tih hi a ni. Chumi hnu lawkah, “Chuvangin in sualte thaibo a nih theih nân, sim ula, hawikir leh rawh u,”2 a ti bawk.

Simna hian sual vanga lungngaihna leh sual hawisanna a fãwmkêm a. Sualna hi a sualzia kan hmuh loh chuan kan bansan thei lovang; sual chu thinlung taka kan hawisan loh chuan nunah hian danglamna tak zet a awm thei bawk hek lo ang. >> Hetah Click-in Chhiarzawm Rawh

Source: www.thutak.com

Ka ngaihruat leh suangtuahna kal sual nge, Mizoram tan hmakhua ka ngai ta lua nge…hmuuu!!

Sawi deuh top teh ang. Central sawrkar leh kan thenawm State te hian Refugees zawng zawng deuh thaw te hi Mizoram hlir an kawhtir le? Chhan eng nge ni an le.

Nimin lam a Union Minister Rajnat Singh a’n Reang Tribal ho Mizoram a ho tur leh kan sawrkar poh in tha tak a lo dawng sawng tur in a tih kha.. (http://www.business-standard.com/article/news-ians/rajnath-singh-asks-militants-in-northeast-to-shun-violence-115021401086_1.html)

Reang Tribal (Bru) ka hriat te chuan Mizo an in tih ngai pawh ka hre lo a!!!

Eng poh nise, tripura a awm te, kan mizo chipui te, Bru te poh nise tunhma atang a awm a ni a, Tripura a ram tlem khu / khi Mizoram thin a ni a sin. He thu hi kan Chief Minister te hian eng a ti nge an hai der tlat le….

Ni kum Auguest a chhuak daih tawh a poh heng hi tar lan a ni tawh bawk. (http://www.theshillongtimes.com/2014/08/03/tripura-seeks-centres-intervention-to-repatriate-bru-refugees-to-mizoram/)

(http://www.tntmagazine.in/mizoram-state-government-not-in-favour-of-conducting-census-on-chakma-population/)

Three new high courts in the north-eastern states of Tripura, Manipur and Meghalaya may soon be set up as Law Minister Veerappa Moily has submitted in a memorandum to the union cabinet in a move that would require amendment of the North-Eastern Areas (Reorganisation) Act 1971.

Of the 21 judges in the Guwahati High Court currently, against the sanctioned number of 24, 14 were from Assam, four from Manipur and one each from Tripura, Mizoram and Nagaland, and there was none from Arunachal Pradesh and Meghalaya,” Sify reported.

source: Legally India , Sify

Mizoram Accord June 30, 1986 a ziah dan kha chuan Mizoram in High Court nei ve tur in thuthlung an ziak, mahse kum 25 hnu ah pawh High court kan la nei lo. Nagaland, Mizoram leh Arunachal chu High court high court an la nei thei hrih dawn lo a ang khawp mai.

Mizoram accord chhiar duh tan – SATP.org

Ni 07 April 2011, Nilaithawhtan chawhma dar 10:30 hian MBSE chuan HSLC Result 2011 chu a tichhuak a, result hi MBSE Official Website www.mbse.org.in leh http://mbse.edu.in/result/result.php atangin en theih a ni.

Ni e, i nunkhua a thlangher hma chuan i nun kha nangma ta liau liau bik emaw tiin ‘It’s my lifeâ€Image may be NSFW.
Clik here to view. chu han ti zel phawt mai teh. I taksa kha tu ta nge? E le, namgma ta..!! I ta, i taksa a ni a, i thuhnuaia awm a ni. I duh leh i banah mupui lem i chuantir thei a, i duhleh i mawngtamah pawh Diabola lem pawh i chhu thei alawm. I taksa, nangma ta leh i duh duh a i tih theih ani.

I biangah pawh i duh chuan chukchu lem pawh i chhu thei a, i duh chuan chhimtir lem pawh i chuantir thei alawm. Rawn sawisel che an awm anih pawhin chumi chu mi a a ni tihna a ni mai a, ‘It’s my lifeâ€Image may be NSFW.
Clik here to view. tih hi a la hrelo a ni. Chanchintha Luka ziakah engnge inziak a pawmawh lova, Van lehkhabu ah pawh i hming chu lo chuanglo mai mai ang hmiang. I nun kha i ta a ni a, i thlarau chantur pawh nangma reltur a ni. Tuman sawitur an nei lova, sawi phak pawh an awm heklo.

I chhungten i duh aia hmain an kaitho thin che em? Peihlo chung chungin i tho thin em ni? I chhungte chu an mawl bawn tawp a nih chu. Ransa i ni lova, zawngte leh ui pawh i ni heklo. Pangpar huana dah ngai i ni lova, midang ang tho i ni. Mifing Plato-a te, Socrates te leh Aristotle te ang tho a siam i ni a. Khawvel Scientist ropuiber pawl Albert Einstein ang bawkin mit pahnih neia siam i ni a, India Hnam Pa Mahatma Gandhi ang bawkin hriatna beng pahnih i nei ve a, I zingthawh hun leh i mut hun relsak leh ruatsak ngai turin mi chhiahhlawh lah i ni heklo. Engahnge nangma mimal nunah hian i chhungten rawn inrawlh ve teh an tum thin?. Hei hi an hre velo ani mahna….. ‘it’s my lifeâ€Image may be NSFW.
Clik here to view. tih hi.

Nula i ni a, tunlai thil awmzia hre pha ve chin i ni a. MTV leh Channel [V] en pha ve tawkin i changkang a. Britney Spears nun leh Paris Hilton inchei dan te, Christina Aguilera leh Avril Lavigne chetphung leh khawsazia te pawh i hrethiam phak ve vek a. Mi changkang leh ram changkanga nula changkangte incheidan leh nun dan chu i lo copy a.

Tahchuan he Zoram khawvela cheng, thliarkar rilru zim ho hian an sawisel che a ni maw? Engahmah ngai suh, an nun a ni lova, i nun a ni. I sam rawng sawisel tur khan tunge an nih? Duh leh i tikir thei a, duh leh i tihring thei bawk a, duh leh i met kawlh vek thei bawk alawm. Nangma sam a nih kha.

Kohhran thalai hruaitu inti Christ deuh deuh ho khan i inchei dan leh i thawmhnaw chungchang kha Department inkhawm thupuiah te hman an tum hlawm em? Mi mawl, mi a leh mi chhawih an nih kha. Engahmah ngai suh. I rangkachak bengbeh man kha chengkhat pawh an thawhpui lo che a, i kawrhnuai leh i kekawrte pawh nangma suma i lei alawm. I duhleh a chunga thawmhnaw ha miahlo pawhin i leng thei alawm, nangma taksa leh nangma thawmhnaw a ni miau alawm. Duhleh rangkachak thi pathum awrh chung pawhin tuikang i nghak thei a, thuah sariha chhah pawh in i hmai i plaster thei bawk.

I mithmul kha in Pastor ta ani lova, i duh leh i pawtkawlh thei a, i duhleh i rinchawp thei bawk. I duhna hmun hmunah khuavang chhinchhiah i siamchawp thei bawk a, thenawmpa khabe ah i va hnawihtel a nih ngawt loh chuan tu pa huanthlai mah a pet hleinem. I hmui hnawihsen leh hnawihdum pawh i thu thu a ni. Beng pakhata bengbeh pali beh tlar pawh i duh a i nei a nih bawk chuan, chu pawh chu i thu a ni. Tu nu leh pa mahin an sawi buai phak i ni lo, i duh a, i ti a ni mai.

I kawr hak pan thu leh i pawnfen chhinzia te, dul lang kawr emaw kekawr kap 2-inch vela tawi i hak thu fellowship naa lo sawitu chu a chiang chiahlo ani maithei. En ngun deuh teh, a hmavir a lo tla then te pawh ani mahna. A fanu pawh i ni lova, a fapaa bialnu pawh i ni heklo. I duhleh i mal thui lutuk lang tur pawhin pawnfen chhing lutuk nen pawh khawlai i leng thei alawm. I mal a ni a, a tihlanna hun leh hmun ah buai vak a ngai reng reng lo a nia. Chumi avang chuan khawilai thalai hruaitu tunlailo zetin emaw an fellowship naah a lo sawi che emni? Fellowship tawhlo tawp la a ni mai alawm, fellowship lo pawhin lenna tur i hre tam tho a ni lawmni?

Tlangval i ni maw? Eng ang nu leh pa nge i neih? Nu leh pa thenkhat hi chu an mawl ve khawp a nia. An fate nun hi an nun emaw ti hian anmahni thu thu hian awmtir zuk tum tlat thin a mawle!! An nulat tlangval chhuaha anmahni pawn an zawm peih hauh loh tur hi an fate zawm tir teh hi an tum thin a nia. Midang nunah thuneih talh hi an tum fo mai a, a changkanloh thlak asin!!

Kan ngaihsan em em sapho pawh hian an fate mi puitling an lo nih chhoh tawh chuan an fate nunah an inrawlh tawh ngailo tih te hi an hrelo emaw ni, mi thunun teh hi an tum fo mai. Chuvangin nangma lam tal i fin a ngai a, i nun kha nangma ta a nia , i pain emaw i nuin emaw a hmansak dawnlo che a, nangma pual liau liau a nih avangin nangma hmantur a ni. Midang an rawn inrawlh tur a ni lo. Sunday a lo thleng a, tu pa thusawi thiamlo lutuk rei em em mai ngaihthlak ziah kha i ning thin em? A awm khawp mai. Sunday School kaia thu ngaihnawm loh deuh deuh ngaihthlak aia tuipuiawm zawk programme i hre teuh va, i kal ta zawk a nih pawhin i nun a nia, nangma thu vek a ni.

Zu leh ruihtheihthil te hi an sawi chamchi a,a sawitu lah hi upa lam an ni deuh zel lehnghal. Anni ang rual tan chuan a tiha tih ve chi ni nghallo chuan. Nang erawh chu tlangval i ni a, nupui fanau pawh i nei hleinem. Vawikhat tlangval manah i ti a nih pawhin nangma ka leh pumpui, nangma thisen zam leh chuap a nia a khawih. Mi mawl zinga a mawl zual ho hian thu rawn neih an tum ve teh fo hi an inrawlhlohna turah an inrawlh a, hei tak hi a lawm tuarhar em em, mahni kuanglo nawr an lo tih fo thin chu

Engang mihring pawh ni la, eng ang nun pawh nei la, i nun a ni a, i ta a ni. I duh angin i hmang mai a ni. Chu chu tunlai khawvel kalphung a ni. Ni e, a saptawngin ‘thinkerâ€Image may be NSFW.
Clik here to view. an inti emaw ni, ‘criticâ€Image may be NSFW.
Clik here to view. an inti emawni, a enga pawh chu lo nise a chuti lai a khati lai lo ti lo ti ho reng reng hi chuan hringnun hi duhkhawplo reng reng in an hmang liam thin. Nang erawh chuan “khawvel alawm” tiin i hmui tuai la, i khabe dawmin ‘It’s my lifeâ€Image may be NSFW.
Clik here to view. han ti leh phawt mai teh.

Tichuan hlimtakin nuam em em leh pang tinatu nei lek lovin hringnun i hmangliam ang a. Vaivut chu vaivuta kir leh turin YMA hovin 6×3 a lei an laih khuar, uluk taka tlawmngai zual hovin an phiahfai leh an tlak rual sa ah chuan an zalh che ang a, i khabe dawmna puanah pawh ‘It’s my lifeâ€Image may be NSFW.
Clik here to view. tih chuang ngei an hmansak maithei che a sin. Nakinah Rorelna Lalthutphah hmaah chuan Nunna Bu te an keu ang a. Mitthi te thlarau chu tihlanin a awm ang a, chung thi theilo tharau chu an thiltihin a rawn zui ve bawk ang. Chutih hunah chuan nang pawh ‘It’s my lifeâ€Image may be NSFW.
Clik here to view. khan a rawn zui ang che

Van Pathian chuan ke ler thleng a puan ropui sinin A awmah rangkachak kawnghren a hreng a. A lu leh a sam chu beram hmul angin a var a, vur ang maiin. A mitte chu meialh ang a ni a, A kephahte chu dar tle mi ang a ni a, rawhtuina meia rawh thianghlim tawh ang maiin. A aw chu tui tamtak ri ang a ni a, A ka atang chuan khandaih hriamtak a chhuak a, A hmel chu nisat vanglai ang a ni. Chumi hmaah ngei chuan ila ding ang a, i hnungah i thiltihte chuan a rawn zui bawk ang che.

Keima nun alawm tia zilhna leh fuihna thu nangmah hmangaihtu ten an hrilh thin che awih lova i lo namnul kualvel kha i inchhir hun a lo la thleng ang a, theih nise siamthat leh i chak em em ang a. Mahse i tan inchhirna khua a tlai tawh ang a, keima nun a ni tia duhtuilo theihtawpa ilo chhek tawh i nun chhuanawmlo leh demawm, zahpuiawm ngawih ngawih chu Chatuan Lal hmaah chuan tihlan a ni ang a, A finna leh ropuina hmaah chuan i ding zo angem le? Inchhirin awmzia a nei tawh dawnlo. Chutih hunah chuan i hmai i hup ang a, A ropuina hmel eng hmaah chuan bihrukna hmun reng a awm dawn si lo.

I nun chu i han thlir ang a. OK, it’s my life i la ti ngam cheu angem?

Mizoram hi tute ta nge? ka zawhna hi a tawi viau nang a; chhan fuh har tak ani. A then chuan India ram state pakhat anih avangin India ta ni an ti mawl tawp thei ang chu.

A then erawh chuan Mizo te ta ni an ti leh tawp ang a( tute nge Mizo chu?), thenkhat erawh chuan Mizoram chhung a chengte ta an ti leh ngawt ang a, a dang leh chuan a Zo hnahthlak zawngin an lo la leh ang a, i ngaihdan i sawi ve ngam em?

Mi pakhat a awm a, amah chu khi tah, khi tah ‘Tlângpuite’ khua atanga lehkhazira awm a ni. A hming chu Vanlalruata Renthlei a ni a. Tin, ngai teh, ani chuan Mizote’n thukhirhkhan(riddle) kan neihte hi a hun lai nena thliar fela hrilhfiah vekin a lawrkhawm a. Chûng zinga tlêmte chu a chhânna nen chauh, a hrilhfiahna tellovin lo melh ve mai mai teh.)

1. A pui bû ùl ùl a, a no te kal vàng vang eng’e?
=Silai kah hi a ni.

2. Beng(ear) pakhat chauh nei eng’e?
=Hriau leh No.

3. Hming(name) ah eng hming nge sei ber?
=Kâwlvëta.

4. Mizo zinga chak ber tu nge?
=Saiâwia.

5. Lukawlh leh vanram inanna eng’e?
=Thenna reng a awm lo.

6. Vã ah hian eng vã nge thlâwk thei lo?
=Kuhva.

7. Dilah hian thing a inkhamkâi a, thing chu tuiin a chîm vek a. Mahse, thehlei hian huh miah lovin thingtulûang chu a zawh thei a. A chhan eng’e?
=Thingtulûang kha a kawrâwng(hole) a, chutah chuan thehlei kha a lût.

8. Bawng sawm an awm a, an til huh miah lovin lui an dâi kâi a. Luiah chuan an lu tih loh chu a pil vek si a. Eng’e a chhan?
=A pa an awm lo/ pakhat te tein an kân a, bawngpuiin a pa til kha a hmuamsak zel.

9. Feh ah hian eng feh nge hahdam ber?
=Fu feh.

10. Isua leh bekang inanna eng’e?
=Ni thum nî ah an tho ve ve.

11. Hmai hlái ber eng’e?
=Sana.

12. Chawhmeha zahmawh rawng kâi ber eng’e?
=Aidusentil.

13. Mahni êk chaw a ring leh eng’e?
=Changpat.

14. Chho ah eng chho nge phei ber?
=Dawhchho (tapchhak sira an dawhchhoh hi)

15. Mahni aia naupang, kan u ziah si eng’e?
=Utawk & Uleuh.

16. Chhukah eng chhuk nge phei ber?
=Khanchhuk.

17. A Aw B hmanga thuchângkim(sentence) siam:
a=A â a â a, a â hlum ta a.

b=Biate biakbûk bul bulbawr bula bawngpui bawk bû bùl bùl bula bawngte bawk bë bë bula behliang kha i hmu em?

d=Dara’n Dara darah dâr a dah a. Dara, engah nge Dara darah i dah?

e=kelte bengbeh éng beh bete pet melh melh.

t=Thil te tak te thên thûi thei tak tak te.

(duh tawk phawt ang.)

Heng Mizo thukhirhkhan(riddle) te hi lehkhabua chhuak ala awm lovin ka hria a. Lehkhabua chhuah atan ka ît hle. Lehkhabuah chhuah theih ni ta se la, kan hnam rohlu kan humhimna tha tak a ni ngei ang. Chhuahsak theite hi in awm mial lo maw le?

‘Cybercrime’ kan tih hi a then tan chuan niawm khawp in kan zir tawh thin mai thei a a then tan erawh chuan thil thar a ni tho mai awm e.

‘Cybercrime’ chu Computer (mobile te pawh tel vekin) hmanga pawikhawihna (inhnamhnawihna) hi a ni mai a. Internet khawvelah phei hi chuan a hlur hle mai le.

Kan zoram pawh ‘Cybercrime’ hi a rawn thlengna a rei ta mai. Tunhun thleng hian kan social media platform hman thin Whatsapp, Facebook, Instagram leh a dangte ah pawh kan hmang / tawng chhunzawm zel a ni. A solution thaber awm tur chuan kan zavaia tanrualna a pawimawh hmasa a, hetiang pawikhawina reng reng chu thuneitute hriattir vat thin hi a tha a ni.

‘Cybercrime’ kan tih hi chi hrang tam taka thendarh theih a ni a, zir tham fe a awm ngei ang.

Phone call hmang a inbum tumna, ATM number leh a PIN kn zawh te, mimal nihna; hming, id proof, contact number, leh a dangte va dilchhuah a pawikhawihna atana hmansakte, zahmawh rawngkai hmang a thu leh thlalak in thehdarh sakte, dawtmuhlum a thu thehdarhte, a dang pawh a tam mai.

Zoram mipuite, apui apang a in hrilhhriatna awareness hi tam zawk kan neih a ngai ta hle mai. Chutiang ang zirtirna chu Mizoram Policete chuan School leh College thenkhat ah te chuan 2017 vel atang khanan kalpui tawh a. Mipui nawlpui ah pawh TV leh Radio hmang te a awareness chu a awm ve tawh awm e.

Kan zoram ah chuan ngaihsak chu ‘Cybercrime’ hian a la hlawh lutuk lem lo a. ‘Cybercrime’ kaihhnawih hremna te chu Information Technology (IT) Act 2000 ah kan hmu theuh thei ang.

Engchin nge i hriat tawh a, hmalak zel a that leh that loh te, hmalak a ngaih lehzualna lai te hriat belh tur in tunah hian keimah ngei pawh in research ka nei mek bawk a. A hnuai a link ah hian dik ni a i hriatte han chhang ve ta che. Tichuan, zoram in hma kan sawn belh mahna.

https://docs.google.com/forms/d/e/1FAIpQLSesS3amEpcBqCZdqni4ZlapL-UWOrkrNps3ufW83URecsUqPw/viewform?usp=sf_link

Survey Link.

Tun dinhmunah chuan Aizawl lam in thiamna an nei sang a, an awareness pawh a tha ber ni in a lang rih. He statistic hi thlak danglam tur in a chunga survey link khi a la pawimawh hle a ni.

Image may be NSFW.
Clik here to view.

Image may be NSFW.
Clik here to view.

The post Cybercrime leh Mizote appeared first on Mi(sual).